‘Эрүүл Үрс Гэрэлт Ирээдүй′ ТББ-ын УБ дах гишүүн
2011 он
Эрүүл Үрс Гэрэлт Ирээдүй ТББ-ын албан ёсны лого-г бүтээсэн.
‘Нярайн инкубатор’ төслийн танилцуулга хуудсыг хийж “Шинэ Эрүүл Амьдрал” сэтгүүлийн 2011 оны 11, 12-р сар, мөн 2012 оны 1, 2-р сарын шинэ дугаарт хэвлэгдэн гарсан.
Дэмжигчид маань өөрсдийн блог, сошиал медиа, цахим хуудастаа нийтлэхэд зориулж төрөл бүрийн баннер, постерыг хийсэн.
2012 он
Шинэ жилийн мэндчилгээ, хэрэгжүүлж буй төсөл болон хандивын дансны мэдээлэл бүхий уриалга, хүлээн авалтын урилга зэргийг загвар хийцийн өндөр түвшинд хийж гүйцэтгэсэн.
2013 он
Монгол Хайкинг Клуб-тэй хамтран зохиож буй явган аялалын постер, Микото Монголиа ХХК-ийн 1 сая төгрөгийн хандивын постер зэрэг Эрүүл Үрс Гэрэлт Ирээдүй ТББ-ын үйл ажиллагаатай холбоотой мэдээллийг цаг тухай бүрт сэтгэл гарган урласаар байна.
10-р сарын 19-нд Эрүүл Үрс Гэрэлт Ирээдүй ТББ-ын сайн дурын гишүүдийн хамтаар тав дaхь төслийн хандивын хүлээн авалт, дуудлага худалдааг ҮСАХ-д байрлалтай Castle ресторанд зохион байгуулж нийт 9.6 сая төгрөгийн орлого болон хандив цуглуулсан билээ. Энэ хуримтлал нь ЭХЭМҮТ-ийн Хүүхдийн эмнэлгийн Мэдээгүйжүүлэг, эрчимт эмчилгээний тасагт 45 сая төгрөгийн үнэ бүхий амьсгалын аппаратыг 2014 оны 6 сарын 1-нд бэлэглэн ашиглалтанд оруулахад зориулагдах юм.
